Bütün dünyadan 12-29 yaşları arasında olğan er kes iştirak etebilecek yarışmağa yiberilecek eserlerniñ qırımtatar tilinde, Qırımtatar Milliy Qurultayı tarafından qabul etilgen latin elifbesinen yazılması talap etile. Eserler “Aile Tarihı” mevzusında yazılğan ikâye tarzında olmaq kerektir.
Eserlerni This email address is being protected from spambots. You need JavaScript enabled to view it. adresine 2025 senesi Çeçek ayı (Nisan) 1-inden / 2025 senesi Oraq ayı (Temmuz) 31-ine qadar yibermek kerektir.
Yarışmanıñ qaideleri aşağıdaki kibidir:
- İştirakçiler 12-29 yaşları arasında olmaq kerektir.
Yarışma eki ayrı kategoriyada olacaqtır:
a. 17-29 yaşları arası (doğğan tarihı 1996-2008 arasında olğan gruppa – muracaat etken vaqıtta 17 yaşını toldurğan olmaları kerektir);
b. 12-16 yaşları arası (doğğan tarihı 2009-2013 arasında olğan gruppa – muracaat etken vaqıtta 12 yaşını toldurğan olması kerektir).
2. Eserlerniñ, Qırımtatar Milliy Qurultayı tarafından qabul etilgen latin elifbesinen qırımtatarca yazılması şarttır.
- Yarışmada birden çoq esernen iştirak etmek mümkündir.
- Yiberilecek eser ya da eserler daa evel iç bir yerde ve başqa iç bir usulnen neşir etilmegen olması şarttır
- Yarışmanı tertip etken teşkilâtlarnıñ İdare Eyeti azaları, Teftiş Eyeti azaları, Disiplin Eyeti azaları, Yarışma Komissiyası azaları ve qorantalarından olğan kişiler yarışmada iştirak etip olamazlar.
- Yiberilecek eser, yarışmanıñ internet saytında örnek olaraq berilgen eserniñ formatına köre azırlanması kerektir.
- Muracaatlar internet vastasınen elektron poçtanen yapılacaqtır.
- İştirakçilerniñ eserlerinen beraber passportlarınıñ (ya da mevcut vesiqalarınıñ) skanerden çekilgen kopiyalarını ve qısqa tercimeiallarını yibermeleri kerektir.
- Yarışma içün soñki muracaat 2025 senesi 31 Oraq ayı (Temmuz) cumaaqşamı künüdir.
- Yarışmağa yollanılğan eserlerniñ (ğalibiyet qazanğanına baqmadan) neşir etüv aqqı bütünley yarışmanıñ teşkilâtçılarına aittir.
- Yarışmağa birden çoq eser yibergen iştirakçiler tek bir esernen ğalebe qazanabilecektir.
- Yarışma mükâfatları berilmezden evel, Yarışma Komissiyası, adları belgilengen iştirakçilernen internet vastasınen bağlanıp, subet (intervyu) keçirecek, mükâfat qazanğanlar bu subetten soñ ilân etilecektir.
- Jüri azaları Arman ayınıñ (Ağustos) 1-inden İlk küz ayınıñ (Eylül) 15-ine qadar işlerge qıymet kesecekler, intervyular İlk küz ayınıñ (Eylül) 16-sından Orta küz ayınıñ (Ekim) 15-ine qadar keçirilecek, mükâfatlav merasimi ise Orta küz ayınıñ (Ekim) 16-sından Boş aynıñ (Kasım) 30-ına qadar kerçekleştirilecektir.
Mükâfatlar
Yarışma komissiyası, 17-29 yaşları arası kategoriyasında birinci, ekinci ve üçünci yerlerni, 12-16 yaşları arası kategoriyasında ise «Ümüt bergen gençler» laureatlarını belgileycektir.
17-29 yaş kategoriyası içün mükâfatlar:
1-inci yer: 10.000 TL
2-nci yer: 8.000 TL
3-ünci yer: 7.000 TL
12-16 yaş kategoriyasında yarışma laureatı olaraq seçilgen beş iştirakçiniñ er birine 4.000 Türk lirası para mükâfatı berilecektir.
Muracaat: Yarışmağa muracaat elektron poçtanen yapılacaqtır. Başqa vastanen yiberilgen ikâyeler yarışmağa qoşulmaycaqtır.
Muracaat adresi: This email address is being protected from spambots. You need JavaScript enabled to view it.
Eserler, MS Word 2003 formatınen (*.doc), Times New Roman yazuv şeklinde, 12 şrift büyükliginde ve 1,5 satır aralığınen azırlanmalı. Qapaqta olğan eserniñ adı, iştirakçiniñ adı ve soyadı, doğğan tarihı, cep telefonı, adresi, elektron poçta adresi, mektep/zenaat kibi malümat eksiksiz toldurılmalıdır. Eserniñ kölemi qapaqnen birlikte eñ az 3, eñ çoq 5 Word saifesi qadar olacaqtır.
Ayrıca, adınıñ bildirilmesini istemegen iştirakçiler eserlerini yibergende bunı qayd etmeliler. Böyle allarda adlarını tek jüri azaları bilecek, ilânda özleri saylağan tahallüsnen ilân etilecektirler.
Jüri Azaları:
1) Professor Zuhal Yüksel (HBVU zemaneviy türk tillerikafedrasınıñ nefaqadaki ocası)
2) Dotsent Işılay Işıktaş Sava (HBVU zemaneviy türk tilleri kafedrasınıñ ocası)
3) Dotsent Nariye Seydametova (Qırımtatar tili mütehassısı -‘Tuvğan Til’ saytı)
4) Doktor Serra Menekay Önsel (Yazıcı)
5) Dilâra Karaşayeva (İrlandiya, Qırımtatar tili mütehassısı)
6) Oya Deniz Çonğar (‘Tuvğan Til’ saytınıñ koordinatorı)
7) Ayşe Arnautova (Tavriya universiteti, qırımtatar tili kafedrasınıñ üyken ocası)
Teşkiliy Komitet:
- Namık Kemal Bayar ( DQTK, Baş kâtip)
- Şemsiye Satı (Qırımtatar tili mütehassısı)
- Feride Şahin (Qırım Dernekleri Umumiy Merkezi)
- Ülkü Aksel (Qırım Dernekleri Umumiy Merkezi, Baş kâtip)
Örnek hikaye : Maramağa sarılğan bir ömür
